Kababaihan, ganito tayo Iginuhit ng Lipunan
Naging
kontrobersyal ang mga katagang “Babae ka lang” sa nakaraang 2022 national
election. Umani rin ito ng samut-saring komento at opinion sa ating mga
kababayan at ayon nga sa mga dalubhasa, isa itong gender bias statement dahil
ibinababa nito ang dignidad ng mga kababaihan. Sa kabilang banda, Bumuhos naman
ang suporta sa mga kababaihan matapos lumabas ang mga salitang ito.
Hindi
maikukubli na ganito inilarawan ng milyon-milyong Pilipino ang mga kababaihan
ngayong taon. “Lang” mas maliit pa sa sentimo ang halaga ng salitang kanilang
ipinukol sa kapwa nila ng walang konteksto para pagbatayan.
Kababaihan,ginawang
bagay na walang kakayahan. Ganito sila tinatakan ng bayan, sinelyuhan ang
pagkatao ng walang katuturan at idinikit sa kasarian ang salitang kahinaan na
tila lahat ng kilos ay nangangailangan ng kaakibat na masasandalan.
Kaya
naman naglipana ang mga organisasyon, mga grupo ng tao na nagpahayag ng
adbokasiya patungkol sa gender equality issue ng bansa. Isa ang
Bangsamoro women Commission sa mga kumondena sa isyung ito. Nagbigay din ng
pakikibaka ang grupong Gabriella dahil isa ang partido nila sa
nagsusulong ng gender equality sa bansa. Tumulong naman sa paggawa ng
advocacy film ang mga kilalang personalidad sa showbiz hindi lamang para sa
election pati na rin sa paglingap ng pag asa na mawakasan ang stereotyping
at maling paglalapat ng konteksto sa mga tao.
Sa
kasalukuyan, patuloy naman ang pagpapalakas ng sambayanang sa mga kababaihan.
Sumusuporta ang iba’t ibang ahensya, pribadong organisasyon maging ang mga
paaralan sa pagsusulong ng Violence Against Women and Children (VAWC) upang mas
mabigyan ng sapat na pagtrato ang mga kababaihan pati na rin sa mga bata.
Sa
kabila ng lahat, hindi na mabilang ang mga babaeng lider sa Pinas pati na rin
ang mga babaeng kasapi ng kapulisan at mga sandatahang lakas. Isa itong ay patunay
na malaki ang ambag ng mga babae sa lipunan at hindi sila dapat minamaliit ng
kahit sino.
Comments
Post a Comment